【裝修佬大件事】2024香港家居博覽完滿結束 約定大家9月再見！
2024年06月13日
0
44444
一連四日嘅2024年香港家居博覽已經完滿結束啦！今次有好多戶主嚟搵我哋了解裝修佬，又即場同裝修設計公司做配對，仲有好多人報班參加DIY課程，真係超級多謝大家嘅支持！即刻一齊睇睇下今次展覽嘅精彩回顧啦～
今次展覽一共分為六大展區，包括建材/設備/工具、室內設計/裝修/訂造傢俬、寢室用品/傢俬/梳化、家電/智能家居/家品/廚具、健康設備/家居淨化/清潔、其他專業家居服務及產品區，合共超過850個展位，大家可以一站式選購包括裝修、家品等唔同商品，無論係新居入伙、舊屋翻新定買電器，都可以於不同展區內覓得心頭好。主辦商表示，今次展覽嘅入場人數預計突破35萬，市民對裝修、傢俬需求熾熱。
而今次裝修佬當然亦都有參展，本次展覽有裝修MALL皇牌產品優惠、裝修智能配對服務以及DIY報班優惠，而一連四日嘅展期當中，有好多戶主市民嚟攤位搵我們，等我哋有機會親自同大家講解下我哋平台嘅配對服務，亦都為唔少戶主成功即場免費配對裝修設計公司，有大家嘅支持，令裝修佬喺今次展覽中成績相當不錯！除咗裝修佬嘅攤位之外，裝修學院嘅攤位亦都有唔少人嚟報名參加DIY課程，同場都有唔少參展商推出咗展場限定優惠，吸引唔少人嚟買心頭好，小編覺得真係多人到好似嘉年華咁！
今次家居展裝修佬都舉辦咗第5屆裝修佬品牌大獎頒獎禮，表揚裝修設計公司嘅傑出表現之餘，更加比大家更加容易識別到值得信賴嘅裝修設計公司同品牌，嚟緊裝修佬將會再分享當時頒獎禮片段，大家想知咩品牌有份拎獎就記得要繼續留意我哋啦～
除咗設有6大展區之外，今年嘅博覽仲安排咗一系列精彩活動。其中主辦商邀請咗多位業界專家主持講座，為市民提供最新最貼地嘅裝修、家電、驗樓等家居資訊，而我們裝修佬首席顧問Andy、裝修學院校長Simon當然都是講者一份子啦，今次兩位嘅講座主題都係幫助戶主避開裝修中伏情況仲有必學DIY貼士，吸引咗唔少人嚟聽講座，其實我哋裝修佬Youtube亦都會定期upload教大家一啲裝修同家居貼士，錯過咗講座又想聽返嘅大家就唔好錯過啦！
展覽集團主席王學譜就表示：「香港家居博覽至已成為一個品牌，展商質素有保證。這讓更多市民選擇在展會中購買家居家電及裝修產品，為業界打下強心針。」香港家居博覽無疑係香港嘅家居設計同智能家居領域佔有重要嘅地位，亦都為大家提供咗一個了解裝修家居最新潮流嘅好機會。希望嚟緊嘅家居博覽可以繼續帶嚟更多驚喜同創新嘅產品，令大家嘅生活變得更加美好！而裝修佬當然都會繼續參展為大家服務，希望幫大家搵到最啱大家需要嘅裝修設計公司，秋季家居博覽即將喺9月尾舉行，希望到時可以見到大家啦！
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。
關键字：
裝修佬;
2024香港家居博覽;
