裝修佬教你處理牆紙常見問題
2016年07月22日
2
396093
牆紙除咗裝飾牆面，更為屋企帶來不同凡響嘅效果。但係牆紙雖然靚，但係時間耐咗，會容易出現發黃、翹起等問題，影響美觀。為咗避免呢類問題發生，我地都應該多了解多啲相關知識。以下裝修佬為大家講解下牆紙常見問題處理方法。
牆紙翹起處理
牆紙翹起一般係因為天氣溫度同濕度嘅變化產生嘅熱脹冷縮現象，一般只需要用專業嘅牆紙膠進行黏貼便可，並用平整物體，比如書本壓一壓即可。
牆紙起泡處理
如果屋企牆紙有起泡現象，一般係由於牆面局部黏貼時塗膠唔均勻，因缺膠而起泡造成。可用針係牆紙表面起泡位置吉一個窿，釋放出氣體，取適量嘅膠粘劑放入針眼黏貼緊，最後用平整嘅書本壓平晾乾。
牆紙發霉處理
由於室內空氣水氣過多，加上室內唔夠通風，霉菌就會係牆紙上滋生。對付牆紙霉變可先用乾布抹牆面，再將半蓋消毒液加入4紙杯水，或者使用經過稀釋嘅專業牆紙清潔劑，調配均勻後，用來抹有霉斑嘅牆面。
牆紙破損處理
牆紙破損係經常發生嘅事，一般係由於被硬物刮傷或者搬動時候唔小心整損。對小面積嘅破損可用膠水粘貼修補，如果面積較大一般建議重新鋪貼。
牆紙發黃處理
牆紙變黃處理方法一般有以下三種
如果當時入住時牆灰尚未乾透即貼牆紙，則牆灰中鹼性物質易同牆紙底發生化學反應，令表面出現黃色，呢種現象較難處理，需將牆面剷除，重新鋪貼。
如果居住幾年後出現泛黃現象，大部分係因為紙質受日照同空氣接觸而老化所致，此時可以用稀釋漂白水沾在毛巾輕輕抹，待半小時後再用清水抹一次，可先係牆面隱蔽處進行試驗，觀察效果，如果效果理想便可用做全體牆面處理。
若受煙熏而使部分變黃，宜以稀釋燒鹼液。
(以上圖片均來自網路，如有任何版權問題，請與本站聯絡)
