喺上週四，裝修佬好榮幸邀請到立邦Nippon Paint嘅多位代表嚟舉辦藝術漆工作坊，當日有唔少裝修公司/ 室內設計公司代表都有參加，有得一齊落手落腳試玩油漆之餘，仲有專家分享藝術漆嘅隱藏竅門，相當熱鬧！不如一齊嚟睇睇當日嘅花絮啦！
當日好高興有唔少師傅同裝修 / 設計公司都誠意到訪，就算第二朝要繼續趕工單位，但係都抽時間過嚟參加工作坊，超級多謝各位嘅來臨！
另外都好多謝 立邦 Nippon Paint 嘅幾位代表親自嚟我哋公司教大家特色牆速成大法，除左仔細講油漆嘅各種技巧，仲有得親自試點樣油油！偷偷地同大家講，當日小編見到都好想玩！
最後，去到Q&A部分，在場各位都有好多油漆黑問題想請教，而立邦代表亦都十分仔細地逐一詳細解答，氣氛相當熱烈～
活動尾聲，立邦更加自備咗豐富禮物包比各位參加工作坊嘅師傅！
所以有唔少師傅都話下次都一定要參加，見到大家都咁滿意個工作坊，小編都心滿意足了～希望日後可以keep住搞更多活動俾大家交流同學習啦！
不過小編同大家預告，下個工作坊即將到來！
記住留意我哋Facebook啦各位～
