「裝修沒有最好只有更好！」 宏觀且入微 領航裝修工程 著重每項細節
2021年08月18日
4
28691
裝修戶主面對裝修這個未知領域，有一位良好的領航員非常重要。而潘師傅與他的團隊帶領過無數新婚買樓人士及一家幾口，助他們建造美滿的家。潘師傅入行近三十年，見盡不同家庭買樓或翻新家居，自己作為成就此家的一員，他從不馬虎。
裝修公司是工程的領航員 與客建立良好關係助工程完善
「有好多人第一次裝修都唔知道裝修點樣嘅一回事，所以我哋就會提供一個流程俾客人，首先就要睇有乜物料，有唔同嘅step去引導客人去跟住大家嘅節奏一齊去完成呢個工程。」
潘師傅團隊以服務取勝，他們擔當起領航員責任，令客人不會於裝修路上感到無助孤單。「其實係要幫個客人緊張埋個工程，會幫客人諗好多辦法去解決問題，同客人有好多交流，俾好多意見客人。」
「我成日覺得客人有問題應該要主動問我哋，唔好因為覺得同我哋唔夠熟唔敢講，唔好怕唔好意思，唔好屈喺心度。其實你每問一樣嘢，其實我俾咗答案你之餘，我係知道你哋其實想要乜，對家嘅想象係點，我就更加可以諗點樣做得好啲。」
「所以我哋會盡量同客人溝通多啲，同客人睇料，都會同佢哋傾多啲偈，加深同客人嘅關係，同客人關係好似朋友咁，佢哋有乜都會問我，甚至做到之後工程完咗都繼續有電話聯絡。」
堅毅中習得營運技術 工程管理細緻入微
潘師傅多年住家裝修的經驗中也嚐過失敗，隨父親步伐入行，到開始管理工程，邊學邊做，曾有一刻認為自己有能力足夠開公司，但失敗收場。了解自己經營經驗還有不足，但潘師傅沒有放棄，本著「因為試唔到啊嘛，就要試到成功為止！」的心態從錯誤中吸收經驗並捲土重來，最終他與他的團隊成為炙手可熱的裝修公司，接單不斷，可見其堅毅不屈使他獲得回饋。
「嗰時工程經驗係夠，但管理，做生意既經驗未夠，例如未識點樣提升客人對你嘅信心，客人可能會覺得你後生仔未必識嘢。而家年紀大咗，就知道點樣去展現自己嘅能力，又更知道客人需要乜嘢。」
由落手的師傅仔到做管理，到現今主持大局的裝修公司老闆，他從沒放棄的堅持就是對細節的高要求。「緊張，緊張每一個細節。我永遠唔會覺得係最好，只有更好。做乜嘢都覺得有地方可挑剔，我係習慣咗，因為咁樣件事會好啲。」
「例如收貨，人哋睇唔到一啲小細節，而我睇到嘅，我會執咗先俾個客人。千祈唔好有『佢睇唔到嘅』嘅偷雞心態，如果個客人睇到，就係我哋問題，師傅同公司嘅問題。只要見到一個問題，自然就會愈見愈多瑕疵。所以我而家主要都係企後一步，做呢啲挑剔角色，會專注係每一個小細節，盡能力令工程做好啲。」
「細節位有好多，例如收口位，材料嘅配搭等等，每一項都要跟得足。出圖之前，就預先諗埋點收口，但凡工程到要收口嘅位置，我或者同事一定要喺現場睇實師傅點處理，合唔合格。」
「係辛苦㗎，個標準係好高。但而家唔係打工，係自己事業。你知道所有付出都係會有成果，會有屬於自己嘅回報，同裝修一樣，呢件事係值得嘅。」
由起初接觸兩三房單位工程，到現在開發大單位的客源，潘師傅與他的團隊擔起帶領戶主的責任，與客人以裝修會友，藉著豐富經驗為客人訂造合適的裝修計劃，每項細節都監管入微，於漫長的裝修工期中為客人領航，為客人建設美好家居。
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
